Zamal- Ousa-nousava

La montany lé ver koulèr out ti zié
Mwin mwin lé sou couvèr
I fé bon kréché
I fok mi lév po alé travayé
Sa i kas mon léfé
Alor kom sa ou prolong mon somey
Mwin la trouv in ralong i remplas in soley
Oui soley laktualité
Sa la pa travay bon dié

Do moun la ba lot koté locéan
I fini pi d'tié é fé koul lo san
Zot la po batay po in pé larzan
Po èt gouvernèr ou bien prézidan
A mwin isi dan mon ti kwin
Po sort in kou dan s'mond pouri
Mwin la po tir si in ti zwin
La ral a ùmwin dan in paradi

Zamal,o zamal,o zamal, ti fé mal lo kèr
Lo kèr mon ti zézèr
E pourtan mwin lé fièr
Mwin la sanz lunivèr
La mi wa lo siel lé roz
Koulèr la lév mannzel Mimoz
Kan dosu lamour i poz
Ansanm avèk mon kèr i exploz
Zamal,o zamal,o zamal, ti fé mal lo kèr
Lo kèr bann gouvernman
Gouvernman koulèr larzan
E larzan koulèr lérèr
E lérèr koulèr somin la mor
E lérèr somin la mor
O lérèr somin la mor

Zamal,o zamal,o zamal, ti fé mal lo kèr
Lo kèr bann militèr
Militèr koulèr la gèr
E la gèr koulèr lenfèr
E lenfèr frèr babilon
Gouvernay gouvernman
Viktwar pouvwar larzan

Na sat i bwar na sat i fim
I batay dann somin
Sa vréman lé pa tro sin
Mé na sat i vé èt pli pré Jah
An aralan si in ti zwin
Mwin mi parl di sag rasta
Zot i di Coffrez moi ce chien

Madam,o madam,o madam, out fiy dann la krwazé
Li la po koz ek un zamalien
Son palto lé désiré
E son sové lé trésé
Li té sort fim in ti zwin
Mwin la vi sa kan mwin té sort la mès
O oui dann son sové na d'très
Ek son pantalon rapiésté
Ek son palto désiré
O madam in vré défalké
Mé dizon in Bob Marley

Oté akout akout akout a mwin bél mèr
Ou ki trèt a mwin fimèr
Ou di ké mwin lé zamalien
Ou la mém di mwin lété somèr
Ké toultan mi trèn dann somin
Ou vé pa ékout mon kozé
Ou admet pa la vérité
Lot fwa kan out fiy la bwar kasé
Ant not dé ou ki sa la pléré
Bél mèr plèr pa i va pa ou
Lès sa plito po zamouré
Bél mèr plèr pa i va pa ou
Mé i va pa ou di tou

Mwin lé parey in lirondél
Mwin lé parey in tourterèl
I vyin gany la zèl
Mwin lé kom in payenké
Estèr mi wa lo siel lé blé
Mwin lé kom in payenké
La rozé la mouy son ké

La mèr i bouz sou lo siel an fé
Mon zié lé rouz mi sort pa pléré
Gramoun dan son rom na in not léfé
Sat lé myin i dériv koté bon dié
Soley i tomb la Rénion i dor
Mi kréz mon tomb mwin pa fé la mor
In roman po mon ti zézér
La pa mwin la fé mon kèr

Comments

[L_utopiste]

désolé mais même si l'origine du kréol est française, la strucutre synthaxique, le vocabulaire, et la pronciation de mots équivalents en français, sont complétement différentes!!!la tu renies ta langue(natale j'imagine) en la traitan d'indépendante au français, donc pour toi le kréol(créole) est un patois...suppote de margie sudre vas!!et puis y a pas que crochet, y a aussi pounia, waro etc...

[marion]

Là, je suis obligée de réagir !!!! Pas contre la chanson, mais contre cette graphie créole de merde ! Pourquoi vouloir écrire un mot différemment quand il existe en français ????
ça revient à renier les origines du créole et nos origines par la même occasion.
TOM !!!! ESPECE DE SUPPOT DE MICHAEL CROCHET !!!